Ndị na-ahụ ụzọ chọtara gị,
Ha chọtara gị bịa,
Ma ha ahụhụ gị –
Ngwa, gwa m ugbu a: olee ebe ị gara?
Ọkwọ a şi gị nọrọ n’ụlọ chere ha,
Hawa bụ ndi ji echi na-aka?
Ị jụ! Ị pụọ…!
Ngwa, lee nụ. Echi a chọrọla gị bịa,
Ma echi ahụhụ gị –
Nyiahụ a kpọchiela gị n’ime ụlọ ya.
Ndo.
Ndo.
Nke gị a gafeela…
– Che Chidi Chukwumerije.
Ị chọọ ka anyị hụ ụzọ
Ị chaara m n’ụzọ, eee, ị chaara m n’ụzọ… –
Ị chaara m n’ụzọ, ọ bụrụ na
Ị meperela ọnwe gị ụzọ –
Ụzọ bụ nke m… ụzọ bụ nke gị… –
Bịa ka anyị chaara ọnwe anyị n’ụzọ,
Bịa ka anyị chịa ọchị ọzọ.
– Che Chidi Chukwumerije.
Udo ka
Udo echi
Maka
Ụwa taa
Bụ ụwa agha
Na ụwa mmebi.
– Che Chidi Chukwumerije.
Obodo Chi
Obodo echi
Udo Chi
Ga a-bata echi
Chi ukwu
Chi na eke
Chi udo
Udo Chi
Ga a-bata echi
Mepee obi gị
Ka udo-echi
Bata n’ime obi gị
Ụbọchị taa.
– Che Chidi Chukwumerije.
O nwe mmiri kewara
Ụbọchị na anyasị…
Nnukwu mmiri,
Ma o nweghị onye ma ụgbọ e ji
A ga fe ya…
Ị mechie anya
Ị fe pụ…
Ị mechie anya
Ị da ba…
Ị mechie anya
Ị kwụrụ n’oke mmiri ahụ kewara
Ụbọchị na anyasị…
Mgbe ụgbọmmiri ahụ na-ebu gị
Ọ nwee nnụnụ ị ga-anụ,
Nnụnụ na-agụ egwu, nwayọ nwayọ –
Echi, mgbe ị bili n’ụrǎ,
Ị gee nti, ị ga kwa anụ ọzọ
Mkpọtụ mmiri ahụ na olu nnụnụ ahụ
Nwayọ nwayọ n’ime obi ụwa ~
– Che Chidi Chukwumerije.
Anyị bịara ụwa
Maka gịnị?
Ọ nwe onye chụbara anyị ụwa?
Ọ nwe ihe chụpụ anyị n’Eligwe?
Otu ụbọchị, anyị bia…
Otu ụbọchị, anyị ga-ala…
Ma tupuu anyị a laa,
Ụwa ga e kuziri anyị ihe Chineke
Kenyere n’ime ya bụ ụwa
O nwere ihe anyị chọtara bịa ebe a
Onye nwụọ tupuu ọ chọta nke ya,
O ruo echi, ọ bịakwa ụwa ọzọ…
Ọ chọta nke ya, ọ la ma ulọ –
Maka ụwa bụ ụlọ akwukwọ…
– Che Chidi Chukwumerije.
Onye ọbụla sụọ Asụsụ nke ya,
Ọ bụ ịhe a gwara anyị –
Mana asụsụ dị abụọ…
E nwere asụsụ-ọnụ,
Nwere asụsụ-obi…
Asụsụ-ọnụ buru ibu,
Asụsụ-ọnu dị iche iche,
Asụsụ-ọnu bụ nani asụsụ-ọnụ…
Ma asụsụ-obi dị sọsọ otu…
Anyị nwe ọnụ, anyi nwere obi…
Sụpụta obi gị otu ị ji chọọ,
Ma ka ọbụrụ mkpụrụ-obi gị
Na-ekwu okwu.
– Che Chidi Chukwumerije.
Mepee ntị, gee ntị…
Ịhụnanya na-agụ egwu
N’ime obi gị…
Anyị bụ otu –
– Che Chidi Chukwumerije.
Ihe mere bụ na anyị echefuola nyiahụ –
Anyị chee na anyị
Ka na-echeta nyiahụ,
Ma anyị echefuola ya…
Okwute dabara n’ime mmiri,
Wee tie mpku, wee mechie ọnụ…
Anyị echefuola nyiahụ…
– Che Chidi Chukwumerije.
E mechaa,
Mgbe anyasị ruru,
Anyị a gụọ egwu ahụ ọzọ –
Ọ egwu Chineke
Tinyere n’ime ụwa,
Egwu obi, egwu obi,
Egwu mkpụrụ-obi… –
Unu a jụna m
Ihe mere e ji m a gụpụta ihe dị m n’obi…
Unu a jụna m
Ihe mere e ji m a sụ nani asụsụ nke m…
Igbo bu otu, anyị ma,
Ma onye ọbụla nwe asụsụ bụ sọ nke ya,
Maka ọnye ọbụla dị iche –
Ị jụna m ihe mere e ji m a sụ asụsụ nke m –
Ma, ị chọọ,
Ị bịa mgbe anyasị ruru,
Mgbe ọnwa na-achị n’eligwe,
Mgbe ukuku na-ahwụ nwayọ kwa,
Ị bịa,
Ka anyị wee gụa egwu ahụ anyị nile ma,
Egwu ahụ Chineke tinyere m’ime ụwa,
Egwu ahụ Chineke tinyere anyị nịle n’ime obi,
Egwu eziokwu na ịhụnanya,
Egwu idinotu.
– Che Chidi Chukwumerije.
———————————————————
Che Chidi Chukwumerije – Mmiri a zoro nwayọ nwayọ (english / deutsch)
———————————————————-
illustrated by Okam Abraxxzas
Che Chidi Chukwumerije 