The older I get,
The more I miss my father.
The more knowing I grow,
The more I miss him.
The more I know him.
The more I understand him.
We live life forwards,
But understand life backwards.
When it‘s too late to change anything,
That’s when we understand everything.
The young shall grow.
– Che Chidi Chukwumerije
(I just feel like remembering today)
Kedu ihe mere m nyịahụ?
Olee ebe m gara?
Kedu ihe m hụrụ?
A rịrị m ugwu? A bara m ọhịa ? E gwuru m mmiri?
A hụrụ m mmadụ? E gburu m anụ? A zara m mmụọ?
A maghị m…
E chefuola m…
Nanị otu ihe ka m ma ugbu a –
A ma m aha m.
– Che Chidi Chukwumerije.
Illustrated by Okam Abraxxzas
M wee kpọọ gị aha,
M wee sị aha gị lọta,
Aha gị wee lọta –
Aha gị wee buru gị n’isi.
Wee kpọrọ gị n’aka
Wee lọta.
– Che Chidi Chukwumerije.
Anyasị e rugo ọzọ,
Anyị a labaa…
Anyị e mechie anya…
Anyị e bilie…
Anyị a pụọ, anyị a gamie…
Anyasị e rugo ọzọ,
Anyị a lọta ụlọ…
—————–
Che Chidi Chukwumerije
—————–
N’asụsụ ndị ọzọ
A jụrụ m enyi m ajụjụ –
Ọ za m…
M wee jụ kwa ya
Ajụjụ ahụ n’asụsụ m –
Ọ za m…
M wee ghọta na ọ weghị asụsụ abụọ
Bụ otu…,
Maka ihe enyi m zara m n’oge mbụ
A bụghị ihe ọ zara m n’oge abụọ…
– Che Chidi Chukwumerije.
Ọ bụrụ na anya gị mepee
Ka ị wee hụ banye n’ime mkpụrụ-obi m,
A ma m na ị ga-ebe akwa…
A ma m na anya gị ga-agba anyammiri…
A ma m na obi gị ga-agba mmiri-obi…
Ma a ma kwa m na
Ị bee cha akwa,
Ị chịa ọchị ọzọ…
Eee, a ma m…
Ị ghọta ihe dị m na mkpụrụ-obi,
añụri e ju gị obi…,
Nwanne m, obi anyị nile bụ kwa nụ otu.
– Che Chidi Chukwumerije.
A nụrụ m olu n’ime abalị,
Mmadụ kpọrọ m aha…
A nụrụ m olu n’ime anyasị,
Mmụọ kpọrọ m aha…
A nụrụ m olu n’ime uchichi,
Chukwu gwara ha kpọọ m aha…
Mgbe m bili n’ụtụtụ,
Mmiri nọ na-ezo…
Nwayọ nwayọ ka mmiri a ji zoo…
O zoro nwayọ nwayọ…
Ma o wee di kwa m ka mmiri a na-akpọ kwa m aha.
Otu a ka ụbọchị m ji wee bido.
– Che Chidi Chukwumerije.
Mmiri…
Anyammiri…
Hicha Anyammiri,
Chi e foola…
Hicha Anyammiri
Na chi e foola…
Lee nụ ụwa nile –
Uwa nile e bilieela n’ụrǎ…
Gee ntị…
Gee ntị…
Gee ntị mma mma…
Ị nụrụ ya?
Ọchị ahụ, egwu ahụ,…
Ọ n’ime obi gị ka ha si a pụta.
Ngwa, hicha anyammiri, nwanne m,
Na chi e foo la…
– Che Chidi Chukwumerije.
Ị hụ ihe ọhụrụ, hapụ ya…
E gbu na ya…
E jide na ya…
Hapụ ya ka ọ gafere…
Hapụ ya ka ọ fepụrụ…
Hapụ ya ka ọ laa…
Ị hụ ihe ọhụrụ nọọrọ ọnwe ya,
Hapụ ya ka ọ nọrọ,
Hapụ ya aka.
– Che Chidi Chukwumerije.
Ọ bụrụ na Igbo e weghị eze,
Ị mara na Igbo e weghị olu
N’ala ndị eze –
Ọ bụrụ na Igbo e weghị eze,
Ị mara na Igbo e weghị oche
Na ọgbakọ ndi eze…
Igbo, tinye anya n’ime obi unu
Wee chọta eze unu
Wee ghọta eze unu
Wee jiri otu olu
Wee soro eze unu…
– Che Chidi Chukwumerije.
Che Chidi Chukwumerije 